«ДАРАБОЗ» РЕСПУБЛИКАЛЫҚ ӨНЕР БАЙҚАУЫ ӨТКІЗІЛУДЕ

Аудандық мәдениет орталығында бүлдіршіндер, мектеп оқушылары мен жасөспірімдер арасында ұйымдастырылған II Республикалық «Дарабоз» өнер байқауы өткізілуде.Елбасымыздың «Болашаққа бағдар: рухани жаңғыру» бағдарламасын, «Мәңгілік ел» идеясын қолдау және жасөспірімдер арасында кеңінен насихаттау мақсатындағы өнер байқауы ауданымызда алғаш рет өтуде.
Бұл байқау - балалардың өнері шыңдалып, жұлдызы жануына үлкен мүмкіндік. Сондай-ақ, дәстүрлі ән мен күй және жыраулық өнердің мәртебесін арттыру, ұрпақ санасына сіңіру жолындағы маңызы ерекше.
180-ге жуық байқауға қатысушылар жас ерекшеліктеріне қарай аспапта ойнау, көркемсөз оқу, ақындық өнер, бейнелеу өнері сынды түрлі жанр бойынша бақ сынауда.
Қызылорда, Қазалы, Байқоңыр қалаларының және Арал ауданының өнерпаздары өз өнерлерін ортаға салуда.
Үздік деп танылған қатысушылар «Атадан-мұра» қоры байқауларының суперфиналына іріктелетін болады.