Аралдықтар саяси қуғын-сүргін және ашаршылық құрбандарын еске алды
31 мамыр – саяси қуғын–сүргін және ашаршылық құрбандарын еске алу күні. XX ғасырдағы саяси қуғын-сүргін мыңдаған жазықсыз адамдардың қаны мен көз жасы төгілген тарихымыздың шерлі беттерінің бірі болып саналады.Осы орайда бүгін аудан орталығында саяси қуғын-сүргін және ашаршылық құрбандарын еске алуға арналған «Азалы күндер жаңғырығы» атты митинг өтті. Жазықсыз жапа шеккендердің рухына тағзым етуге арналған шарада бір минут үнсіздік жарияланып, құрбандар рухына Құран бағышталды.
Тарихи маңызы зор шараға жиналғандар қуғын-сүргін және ашаршылық құрбандарына арналған ескерткіш-тақтасына гүл шоқтарын қойып тарқасты.
"Толқын" ақпарат
