Арал ауданы бойынша дайындалған 70 гектар жер көлемі 921 отбасыға бөлініп берілді

Облыс әкімі Нұрлыбек Нәлібаев аймақта азық-түлік қорын көбейту үшін әр аудан, қаладағы ауылдарда егін егуге арнайы жер дайындауды және картоп, көкөніс, бақша дақылдарының көлемін ұлғайтуды тапсырған болатын.

Осыған орай Арал ауданы бойынша 70 гектар жер дайындалып, 921 отбасыға бөлініп берілді. Бүгінгі күнге оның 3 гектарына картоп, 35 гектарына көкөніс, 32 гектарына бақша дақылдары егілді.