Толқын Tolqyn.kz ақпараттық агенттігі
» » Қасым-Жомарт Тоқаев: 20-дан астам жаңа заң жобасын қабылдауымыз қажет

Қасым-Жомарт Тоқаев: 20-дан астам жаңа заң жобасын қабылдауымыз қажет

Мемлекет басшысы Қасым-Жомарт Тоқаев Ұлытауда өтіп жатқан Ұлттық құрылтайдың І отырысы барысында конституциялық өзгерістер туралы айтты, - деп хабарлайды massaget.kz тілшісі.

Президенттің сөзінше, конституциялық өзгерістер, осылайша, кезең-кезеңімен қолданыла бермек. "Жаңарған Конституция толыққанды қолданысқа енуі үшін әлі көп жұмыс істеуіміз керек" деді.

"Біз 20-дан астам жаңа заң жобасын әзірлеп, қабылдауымыз қажет.

Сайлау туралы, саяси партиялар туралы және басқа да бірқатар заңдарды өзгертеміз. Бұл елді табысты жаңғырту тұрғысынан өте маңызды. Заңдарды қабылдау үшін бірнеше ай, тіпті, жарты жыл уақыт қажет болуы мүмкін. Бірақ, реформаны созып, арқаны кеңге салуға болмайды. Жұрт нақты өзгерістердің қазір болғанын қалайды. Сондықтан, депутаттарымыз негізгі заң жобаларын осы кезден жинақтай беруі керек. Сосын күзгі сессия басталғанда бірден іске кіріскен жөн", - деді Президент.

Президент басты заңдар жыл соңына дейін қабылдануға тиіс екенін, сонда ғана жан-жақты жаңғыруды жоғары қарқынмен жалғастыра алатынымызды айтты. 
16 маусым 2022 ж. 469 0