Толқын Tolqyn.kz ақпараттық агенттігі
» » Қызылорда денсаулық сақтау саласындағы сыбайлас жемқорлыққа қарсы іс қимыл мәселелері талқыланды

Қызылорда денсаулық сақтау саласындағы сыбайлас жемқорлыққа қарсы іс қимыл мәселелері талқыланды

Қызылордадағы «Достық» үйінде ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаменті басшысының бірінші орынбасары Бақытжан Ниязов облыстық денсаулық сақтау ұйымдардың басшылығымен кездесу өткізілді. 
Кездесу облыстық денсаулық сақтау басқармасы басшысының төрағалығымен жүргізіліп, оған медициналық ұйымдардың басшылары, заңгерлері мен мемлекеттік сатып алуға жауапты мамандары және қоғам белсенділері қатысты.
Бұл шараның мақсаты мемлекеттік қызметшілер арасында сыбайлас жемқорлыққа қарсы іс-қимыл заңнамасында қаралған шектеулердің сақталуын түсіндіру және сыбайлас жемқорлық тәуекелдерін туындататын мәселелерді талқылау болып табылады.
Кездесу барысында Бақытжан Мақсұтұлымен «Сыбайлас жемқорлыққа қарсы іс-қимыл туралы» Қазақстан Республикасы Заңның 11, 13-баптарына сәйкес мемлекеттік қызметшілер мен оларға теңестірілген тұлғалар лауазымға тағайындау туралы актісі шығарылғанға дейін активтері мен міндеттемелері туралы декларация тапсыруға, лауазымға кіріскен күннен бастап күнтізбелік отыз күн ішінде, заңды түрде тиесілі ақшалары мен өзгеде коммерциялық мүліктерін сенімгерлік басқаруға беруге және кәсіпкерлік қызметпен айналысуға шектеулерге қатысты түсіндірмелер жасады.
Бұдан бөлек, мемлекеттік бюджетті үнемдеу мақсатында дәрі-дәрмектері мен медициналық бұйымдарды алу барысында мемлекеттік сатып алу заңнамаларының сақталуына және медициналық ұйымдарында комплаенс қызметтерінің дамуына ерекше назар аудару керектігі жеткізілді.
Сондай-ақ медициналық ұйымдарға жұмысқа қабылдау барысында жемқорлық тәуекелдері тыйылмай тұрғандығы аталып, орта буынды медициналық мамандарды жұмысқа қабылдауын әлеуметтік желілерде және сайттарға тиісті хабарламалар беріп, ашық конкурстар өткізу арқылы жүргізуге ұсыныстар жасалды.
Кездесу аяқталу сатысында сыбайлас жемқорлық тәуекелдері мен олардың көріністерін болдырмау туралы пікір алмасулар жүргізілді.
kyzylorda-news.kz
10 тамыз 2022 ж. 397 0