Ақпараттық-насихаттық топ мүшелері колледж қызметкерлерімен кездесті

Ел президенті Қасым-Жомарт Тоқаевтың Жолдауына арқау болған «Әділетті мемлекет. Біртұтас ұлт. Берекелі қоғам» атты жолдауын насихаттау мақсатында «AMANAT» партиясы Арал аудандық филиалы жанындағы ақпараттық-насихаттық топ мүшелері колледж қызметкерлерімен кездесті.

Топ мүшелері колледж қызметкерлері мен студенттеріне Жолдаудағы білім беру жүйесіне қатысты бағыттарды түсіндіру жұмыстарын жүргізді. Білім алушыларға жылдық өсімі 2-3 пайыз болатын несиенің берілуі, студенттерді жатақханамен қамтамасыз ету сынды бастамаларды қатысушылар білім сапасын арттыруға септігі тиетін мол мүмкіндік деп бағалады.

Жиынға келушілер ақпараттық-насихаттық топ мүшелеріне талқылау тақырыбы аясындағы сауалдарын қойып, жауаптарын алды. Сондай-ақ олар ҚР Президентінің Жолдауындағы міндеттер мен мақсаттарды лайықты дәрежеде орындауға үлес қосатынын жеткізді.