Жолдаудың басым бағыттары талқыланды

Ақпараттық насихаттық топ мүшелерінің кезекті кездесуі балықшылар қауымымен өткізілді. Балық шаруашылығымен айналысатын тұрғындарға Мемлекет басшысының Жолдауда айтылған басым бағыттары түсіндірілді.

Жиынға ақпараттық насихаттық топ мүшесі, балықшы-ардагер Ә.Әйімбетов қатысып, Жолдау төңірегінде баян етілген негізгі тұжырымдамаларға тоқталып кетті.

- Ауылшаруашылық саласын дамыту үшін, ең алдымен оның дамуына кедергі келтіріп отырған проблемаларды анықтауға тиіспіз. Сол проблемаларды біртіндеп шеше бастасақ, мақсаттар өз-өзінен орындалады, яғни, шаруашылық өнімдері артып, азық-түлік қауіпсіздігі азаяды. Осы орайда, Мемлекет басшысының Жолдауы мәселелердің шешілу жолына негізделген, – деді, Ә.Әйімбетов.

Сонымен қатар, ауылшаруашылығын дамытуға арналған бағдаламалар жөнінде кеңінен түсіндірмелер берілді. Жиынға қатысушылар ақпараттық топ мүшелеріне сауалдарын қойып, тиісінше жауаптарын алды.

"Толқын" ақпарат