Толқын Tolqyn.kz ақпараттық агенттігі
» » ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ

ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ

Аудандық қоғамдық кеңестің кезекті отырысы болып өтті. Жиынды кеңес төрағасы А.Жоланов ашып, кеңестің күн тәртібіндегі мәселелермен таныстырды. Отырысқа аудандық қоғамдық кеңестің мүшелері, дербес бөлім басшылары, үкіметтік емес ұйымдардың және БАҚ өкілдері қатысты. Сондай-ақ, кеңес отырысына облыстық қоғамдық кеңестің мүшелері Б.Нұрқожаев, М.Омаров, Қызылорда қалалық қоғамдық кеңесінің мүшелері Р.Сарымсақова, Б.Аханбаевтар қатысты.Күн тәртібіндегі бірінші мәселе бойынша «қоғамда сыбайлас жемқорлыққа қарсы мәдениетті қалыптастыру шаралары туралы» аудандық ішкі саясат бөлімінің басшысы М.Марат, екінші сұрақ бойынша «тұрғын үй-коммуналдық шаруашылығын жаңғыртудың 2020 жылға дейінгі бағдарламасының іске асырылуы туралы» аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысының уақытша міндетін атқарушы Б. Шүкіров, үшінші мәселеге байланысты «білім бөлімі арқылы көрсетілетін мемлекеттік қызметтердің орындалуы туралы» аудандық білім бөлімінің басшысы С.Жанназарова, төртінші мәселеге орай жергілікті полиция қызметінің басшысының міндетін атқарушы Б. Аймырзаев «түнгі мезгілдегі алкогольдік өнімдердің саудасы және одан туындайтын қылмыстардың алдын алу шаралары туралы» хабарламалар жасап, атқарылып жатқан жұмыстар жөнінде баяндады.
Кеңес мүшелері қаралған мәселелерді талқылай отырып, өз ұсыныс-пікірлерін айтты. Атап айтқанда, сыбайлас жемқорлыққа байланысты болған жайттардың ашықтығын қамтамасыз ету, тұрғын-үй мәселесіне байланысты үйлердің кезегінде тұрған азаматтардың реттілігін сақтау, білім бөлімімен атқарылған жұмыстарға оң баға бере отырып, одан әрі жалғастыру, түнгі мезгілдегі алькоголдік өнімдерді сату уақытын шектеу, тойханаларда өтетін тойлардың ұзақтығы, адам денсаулығына зияндығы туралы пікірлерін ортаға салды.
Кеңес жұмысын кеңес төрағасы А.Жоланов қорытындылап, айтылған ұсыныс-пікірлерлер бойынша тиісті басшылық орындарға ұсынылатынын және орындалуы бақылауда болатынын білдірді.
25 қараша 2018 ж. 1 853 0