БАЛАЛАРҒА АРНАЛҒАН ЖАҢА ЖЫЛДЫҚ ШЫРША КЕШІ ӨТКІЗІЛДІ

Аудандық мәдениет үйінде мүмкіндігі шектеулі балаларға арналған жаңа жылдық шырша кеші өткізілді. «Халық үні» қоғамдық бірлестігінің қолдауымен ұйымдастырылған мерекелік шараға 110 бүлдіршін қатысты.Жаңа жыл шыршасына аудан әкімі Мұхтар Оразбаев қатысып, барша бүлдіршіндердің армандары мен тілектерінің орындалуына тілектестігін білдірді.
Аяз ата мен Ақша қардан сыйлық алып,қуанышқа бөленген бүлдіршіндер ертегілер әлемінің қаһармандары сомдалған, түрлі қойылымдарды тамашалады.
Қамкөңіл балаларды әлеуметтік ортаға бейімдеу, олардың бойына өмірге деген құштарлық нәрін себу мақсатында ұйымдастырылған шарада балаларға тәттілер мен түрлі сыйлықтар үлестірілді.