Толқын Tolqyn.kz ақпараттық агенттігі
» » Қамқорлық акциясы

Қамқорлық акциясы

Соңғы үш жылда республика бойынша әлеуметтік қорғалмаған отбасынан 527 мыңнан астам балаларға 2 миллиардтан астам теңге көлемінде көмек көрсетілді. Аталған акцияның әлеуметтік маңыздылығын ескере отырып, №72 орта мектебінде «Қайырымдылық-баршаға ортақ іс» тақырыбымен қайырымдылық акциясы өткізілді. Мектепте акцияға арналған іс – шаралар жоспары бекітіліп, іске асырылды. Акция кезінде ауылдық әкімшілікке, кәсіпкерлерге үндеу парақтары таратылды.
Аудандық мәслихат депутаты Прекеев Батырхан ағайымыз 20 000 мың теңгеге қайырымдылық көмек жасап, мектептің 4 оқушысына киім, аяқ киім, сөмке алынып берілді. Батырхан ағайымызға ата – аналардың алғысы шексіз. Мектептің тәрбие ісі меңгерушісі С.Қаражанова 5000 теңге көлемінде оқу құралдарын алып берсе, жеке кәсіпкер Кеңесбай Абдраманов 5000 теңгеге қайырымдылық көмек көрсетті. Қайырымдылық – адамға тән қасиет. Алдағы уақытта жарқын істер жалғасын табады.
А.Аманжолова,
№72 орта мектебінің әлеуметтік педагогы.
05 ақпан 2018 ж. 2 329 0