Бүгін Әкелер күні

Қазақстандағы мерекелік күндердің тізбесі жаңа мерекелермен толығып, Үкімет басшысының қаулысымен маусым айының үшінші жексенбі «Әкелер күні» мерекесі болып бекітілген болатын.

Осы орайда, Аралда «Әке – отбасының тірегі» отбасылық спорттық іс-шарасы өтті.

Іс-шараның мақсаты - дәстүрлі отбасылық құндылықтарды насихаттау, үлгілі ата-ана болу идеясын айту, сондай-ақ бала тәрбиесіндегі әкелер рөлінің маңыздылығын арттыру.

Шараға аудан әкімінің орынбасары К.Бержанов қатысып, асқар таудай әкелерді бүгінгі алғашқы мейрамымен құттықтады.

«Әке - отбасының асыраушысы, басты тірегі, қамқоршысы. Бұл күн - асқар тау әкелерді ардақтайтын, отбасы құндылықтарын ұлықтайтын ұлағатты мерекеге айналады деп сенеміз»,-деді Кете-Төлеби Досымжанұлы.

Аталған шараға әкелі-балалы 10 отбасы қатысып, сайыс қорытындысымен жүлделі орындар мен арнайы дипломдар табысталды. Сондай-ақ, жүлдегерлер бағалы сыйлықтармен марапатталды.

Әкелер күні биыл елімізде алғаш рет ұлттық мереке ретінде аталып өтіп жатыр.