Ә. Әйімбетов "Еңбек даңқы" орденімен марапатталды

25 қазан «Республика күні» Ұлттық мереке қарсаңында Н.Бекежанов атындағы облыстық қазақ музыкалық академиялық драма театрында өткен салтанатты шарада аймақ басшысы Нұрлыбек Нәлібаев Қазақстан Республикасының әлеуметтік-гуманитарлық дамуындағы аса үздік жетістіктері, белсенді қоғамдық қызметі, мемлекеттік және қоғамдық қызметтегі сіңірген еңбегі, халықтар арасындағы достық пен ынтымақтастықты нығайтуға қосқан елеулі үлесі үшін бірқатар азаматқа мемлекеттік орден, медаль және Қазақстан Халқы Ассамблеясының марапаттарын табыстады.

Осы орайда, Арал ауданының Құрметті азаматы, Ауыл шаруашылғы саласының ардагері, «Ерен еңбегі үшін» медалінің иегері - Айымбетов Әділбек ІІІ дәрежелі «Еңбек даңқы» орденімен наградталды.

Еңбек жолын қарапайым жұмысшыдан бастап, әр жылдары түрлі жауапты қызметтерді абыроймен атқарған. Ұзақ жылдар бойы ел дамуы жолында мемлекеттік қызметте аянбай еңбек етіп құрметке кенелген сала ардагері. Бүгінгі күні іскер ұйымдастырушы, ақылшы ұстаз, жаңалық жаршысы ретінде ардагерлердің қоғамдағы ролін арттыруға сүбелі үлес қосуда.

Арал ауданы әкімдігінің баспасөз қызметі