45 директордың басшы ретіндегі біліктілік санаты жоқ болып шықты

Kyzylorda-news.kz. 45 директордың басшы ретіндегі біліктілік санаты жоқ, деп хабарлайды Kyzylorda news ақпарат агенттігі El.kz сайтына сілтеме жасап.

Бұл туралы Шымкент қаласының тұрғындары ҚР Оқу-ағарту министрі Ғани Бейсембаевпен кездесуде мәлім етті. Сонымен қатар, 13 білім ордасының басшысы бір орында 7 жылдан бері отыр. Оtyrar.kz хабарлауынша, Шымкентте 26 мектеп күрделі жөндеуді қажет етеді. Биыл 3 мектепті реконструкциядан өткізу үшін 2 млрд-қа жуық қаржы қаралып отыр.

2025 жылға дейін 25 білім беру нысанына күрделі жөндеу жүргізіледі. Шымкентке жұмыс сапарымен келген ҚР Оқу-ағарту министрі Ғани Бейсембаев жаңа мектептер салумен қатар, ескі мектептерге де лайықты көңіл бөлу қажеттігін айтты.

Шымкент қаласында 2028 жылға дейін 50 340 оқушыға арналған 63 мектеп салу жоспарланып отыр.

Ақпарат көзі: kyzylorda-news.kz
Фото: el.kz