"Таза Қазақстан" экологиялық акциясы жалғасуда

Тазалық табалдырықтан басталатынын ескерсек, туған қаламызды ұдайы қоқыстан тазалап, оның көркейіп гүлденуіне атсалысу - әрбіріміздің борышымыз. Айналаның шашылмауы, көзге көрінетін аймақтардың қоқыстан таза болуы үшін ауданда апта сайын сенбілік жұмыстары жүргізіліп келеді. Мемлекет басшысының «Таза Қазақстан» экологиялық акциясы аясында қолға алынып келе жатқан тазалық жұмыстарына бұл жолы да барлық мекеме қызметкерлері мен қала тұрғындары үлес қосып, өз аулаларына тазалық жұмыстарын жүргізді.

Мұнан бөлек түрлі аумаққа белгіленген сектор бойынша тазалық жұмыстары қарқын алып, №2, 4, 5 сектор – «Жайлы мектептің» артқы аумағын, №6, 7 сектор - Керуен сарайының және №1 сектор - №64 орта мектебінен бастап әскери қалашыққа дейінгі аралықты қоқыстан тазалап, арнайы карьерлерді тегістеу және сор көлдерді көму жұмыстарын жүргізді.

Туған өлке, қошаған ортаға деген жанашырлықтың үлгісін танытып, тазалық жұмыстарында белсенді болу үлкен маңызға ие. Себебі үздіксіз жүргізілген тазалықтың арқасында қаламыз көрікті мекенге айналып келеді. Қоршаған ортамызды таза ұстайық жерлестер!