Толқын Tolqyn.kz ақпараттық агенттігі
» » А.Мамин: Көп балалы отбасыларға пәтерлер 1 мамырдан бастап бөлінеді

А.Мамин: Көп балалы отбасыларға пәтерлер 1 мамырдан бастап бөлінеді

Алдағы екі жылда 22,5 мың отбасы 2 пайыздық тұрғын үй несиесін алады.  Бұл туралы бүгін «Нұрлы жер»  бағдарламасы қаралған Үкімет отырысында ҚР Премьер-министрі Асқар Мамин айтты.

Асқар Мамин Мемлекет басшысының тапсырмасы бойынша «Нұрлы жер» бағдарламасына өзгерістер енгізу қажеттігін атап өтті.
«Елбасының әлеуметтік қамқорлық шараларын іске асыру  аясында 5 жылдың ішінде жыл сайын 6 мыңға жуық көпбалалы отбасы үймен қамтамасыз етіледі. 1 мамырдан бастап пәтер бөлуді бастаймыз», -деді ол.

Сонымен Премьер-министр Елбасының тапсырмасына сәйкес мұқтаж отбасыларға тұрғын үй несиелері Тұрғынүйқұрылысжинақбанкі жүйесі арқылы берілетіндігін айтты. «Екі жылда 22,5 мың отбасы жеңілдікпен несие алады», — деді Үкімет басшысы.
qaa.kz
19 наурыз 2019 ж. 941 0