9 мамыр күні Қазақстанда өтетін маңызды шараларға шолу

НҰР-СҰЛТАН. ҚазАқпарат - «ҚазАқпарат» Халықаралық ақпарат агенттігі Қазақстан қалаларында 9 мамыр күні өтетін маңызды шаралар шолуын ұсынады.

НҰР-СҰЛТАН

Сағат 10.00-де Қазақстан Республикасы Президентінің қатысуымен «Отан қорғаушылар» монументіне гүл шоғын қою рәсімі өтеді.

Сағат 11.00-де «Жерұйық» саябағында елшілік жанындағы әскери Атташе аппаратының, Сауда өкілдігінің, Қазақстандағы Ресей Ғылым және мәдениет орталығының қызметкерлері генерал-майор И. В. Панфиловтың ескерткішіне гүл шоғын қояды.

Сағат 12.30-да «Қазақ елі» монументінің алдында жыл сайынғы «Батырларға тағзым» атты шеру басталады.

 

АЛМАТЫ

Сағат 09.30-да 28 гвардияшы-панфиловшы атындағы саябақта Даңқ мемориалына гүл шоғын қою рәсімі өтеді. Салтанатты шараға соғыс ардагерлері, құрметті қарауыл ротасының өкілдері, әскери-үрмелі оркестр және тағы басқалар қатысады.

Сағат 10.00-де 28 гвардияшы-панфиловшы атындағы саябақта Екінші дүниежүзілік соғыстағы Жеңіс күніне арналған мерекелік концерт өтеді.

Сағат 12.00-де «Астана» алаңында «Қаһарман Ұлт» шеруі өтеді. 

Сағат 20.00-де «Астана» алаңында Алматы қаласы әкімінің эстрадалық-симфониялық оркестрінің және Қазақстан эстрада жұлдыздарының қатысуымен «Тағзым!» атты концерт өтеді.

reactor.inform.kz