2019 жылдың түлектері үшін соңғы қоңырау соғылды. Олар өзінің ұстаздары, парталары, кабинеттерімен қоштасып, жаңа өмірге қадам басты. Алматы қаласының әкімі Бауыржан Байбек шаһардағы мектептің біріне арнайы барып, оқу орнының түлектерін құттықтап, оларға бағыт-бағдар көрсетті деп хабарлайды KAZ.NUR.KZ.
Бүгін №175 мектептің аумағы әр түрлі эмоцияға толы болды.
Түлектер 11 сыныпты бітіргеніне қатты қуанып жүрді.
Баласының жаңа өмірге қадам басқанын сезініп жүрген ата-аналардың жүзінен күлкі мен уайымды байқауға болады.
Іс шараға оңтүстік астананың әкімі Бауыржан Байбек те келді.

Өзінің құттықтау сөзінде қала басшысы түлектерге толағай жетістіктер тіледі.

Ол әлемдегі дамыған 30 елдің қатарына кіру үшін жастарға көп оқу керектігін, жаңа білім мен мақсатқа жету қажеттігін түсіндірді.
Бұдан бөлек, Бауыржан Байбек бүгінгі мереке ұстаздар үшін де маңызды екенін алға тартты.
Іс-шарада бірінші сынып оқушылары тақпақ оқыса, түлектер музыкалық нөмірлерін көрсетіп, соңғы мектеппен қоштасу вальсін биледі.
​https://kaz.nur.kz​​​