Аралдық сайыпқыран үздік атанды
Жақында Ресейдің Рязань қаласында халықаралық армия ойындары өтіп, қазақстандық ұшқыштар үздік өнер көрсеткен еді. Сол сайыпқырандар сапында Аралдың тумасы, жерлесіміз Манас Дәулетбаев та болды. Ол ұшақ тізгіндеушілер ішінде үздіктер қатарынан көрініп, нәтижелі өнер көрсетті. Аралдық ұшқыш жігіт жайында кеңінен тарқатсақ.
Бұл жайында бұқаралық ақпарат көздеріне шығып, ұшқыштардың үздік өнері жайында жарияланған да еді. Алайда арасында аралдық азаматтың барын білген жоқпыз. Кейін ғана бұл жайында оқырманымыз редакцияға қоңырау шалып, алтын иеленген қос қыранның бірі біздің жерлесіміз екенін жеткізді. Өзгеше саланы таңдап, озықтардың қатарынан көрінген Манас Дәулетбаев қаладағы №13 мектепті тәмамдаған. Сөйтіп әскери бағытта оқуға баруды ойлайды. Әрине бұл бала кезден арманы. Осылайша таңдауы Ақтөбе қаласындағы әуе-қорғаныс күштерінің әскери институтына түседі. Онда ұшу аппараттарын пайдалану майдан авиациялық-командалық тактикасы мамандығы бойынша білім алады.
– 2008 жылы оқуды аяқтаған соң Шымкент қаласындағы 55652 әскери бөліміне ұшқыш ретінде жолдамамен жіберілдім. Онда барғасын СУ-25 ұшағын тізгіндеп, әскери саладағы қызметімізді абыроймен атқаруға тырысып келеміз, – деді Манас бізбен әңгімесінде.
Майор шенді Манас Ресейде өткен жарыста әріптесі Дмитрий Коробкин екеуі Рязань көгін өздерінің шеберлігімен таңдандырды. Олар әскер физикалық дайындық пен пилоттық техниканы және нысанаға дәл соққы жасау мен жоғарғы аэробатиканы кәсіби шеберлікпен сәтті орындап шықты. Қазақстандық экипаж осылайша «жойғыш авиация» және «жауынгерлік тікұшақ» аталымы бойынша алғы шептен көрінді. Жалпы есепте Қазақстан үшінші орын алғанымен, жекелей сында Манастың алдына түскен адам болмады.
– Жалпы қорытынды бойынша ресейлік және қытайлық ұшқыштардан кейінгі орынға тұрақтадық. Сайыс 3 кезеңнен тұрды. Бірінші дене шынықтыру болса, екінші жердегі нысаналарды іздеп табу, ал одан кейін авиациялық қару-жарақты пайдалану арқылы нысанды жою. Міне осы кезеңдерден сүрінбеуге тырыстық. Ең бастысы жаттықтырушыларымыздың тапсырмасын сәтті орындадық, – дейді Манас.
Қазір әскери саланы таңдайтындар азайып барады. Алайда аз да болса таңдайтындар бар. Бала күнінен арманына айналған саланы таңдағанына ол ешқашан өкінбепті.
– Себебі бүгінде абыройға кенеліп жүрмін. Өзің таңдаған саланың шыңына шығу – нағыз бақыт. Отбасын құрдым, екі балам бар. Ал әкем мен қарындасым Арал қаласында тұрады, – дейді көк тарланы.
М. ҚҰРМАНӘЛІ
Бұл жайында бұқаралық ақпарат көздеріне шығып, ұшқыштардың үздік өнері жайында жарияланған да еді. Алайда арасында аралдық азаматтың барын білген жоқпыз. Кейін ғана бұл жайында оқырманымыз редакцияға қоңырау шалып, алтын иеленген қос қыранның бірі біздің жерлесіміз екенін жеткізді. Өзгеше саланы таңдап, озықтардың қатарынан көрінген Манас Дәулетбаев қаладағы №13 мектепті тәмамдаған. Сөйтіп әскери бағытта оқуға баруды ойлайды. Әрине бұл бала кезден арманы. Осылайша таңдауы Ақтөбе қаласындағы әуе-қорғаныс күштерінің әскери институтына түседі. Онда ұшу аппараттарын пайдалану майдан авиациялық-командалық тактикасы мамандығы бойынша білім алады. – 2008 жылы оқуды аяқтаған соң Шымкент қаласындағы 55652 әскери бөліміне ұшқыш ретінде жолдамамен жіберілдім. Онда барғасын СУ-25 ұшағын тізгіндеп, әскери саладағы қызметімізді абыроймен атқаруға тырысып келеміз, – деді Манас бізбен әңгімесінде.
Майор шенді Манас Ресейде өткен жарыста әріптесі Дмитрий Коробкин екеуі Рязань көгін өздерінің шеберлігімен таңдандырды. Олар әскер физикалық дайындық пен пилоттық техниканы және нысанаға дәл соққы жасау мен жоғарғы аэробатиканы кәсіби шеберлікпен сәтті орындап шықты. Қазақстандық экипаж осылайша «жойғыш авиация» және «жауынгерлік тікұшақ» аталымы бойынша алғы шептен көрінді. Жалпы есепте Қазақстан үшінші орын алғанымен, жекелей сында Манастың алдына түскен адам болмады.
– Жалпы қорытынды бойынша ресейлік және қытайлық ұшқыштардан кейінгі орынға тұрақтадық. Сайыс 3 кезеңнен тұрды. Бірінші дене шынықтыру болса, екінші жердегі нысаналарды іздеп табу, ал одан кейін авиациялық қару-жарақты пайдалану арқылы нысанды жою. Міне осы кезеңдерден сүрінбеуге тырыстық. Ең бастысы жаттықтырушыларымыздың тапсырмасын сәтті орындадық, – дейді Манас.
Қазір әскери саланы таңдайтындар азайып барады. Алайда аз да болса таңдайтындар бар. Бала күнінен арманына айналған саланы таңдағанына ол ешқашан өкінбепті.– Себебі бүгінде абыройға кенеліп жүрмін. Өзің таңдаған саланың шыңына шығу – нағыз бақыт. Отбасын құрдым, екі балам бар. Ал әкем мен қарындасым Арал қаласында тұрады, – дейді көк тарланы.
М. ҚҰРМАНӘЛІ
