Толқын Tolqyn.kz ақпараттық агенттігі
» » Мұғалімдер қауымы құрмет төрінде

Мұғалімдер қауымы құрмет төрінде

    Тарыдай болып мектеп қабырғасын аттаған бүлдіршіндерден үлкен тұлға қалыптастыру екінің-бірінің қолынан келе қоймайтын аса күрделі шаруа екені сөзсіз. Мұндай қадамға жүрегі дауалап баратын ұстаздар қауымына қоғамның құрметпен қарайтыны да сондықтан шығар. Бүгінде сол ұлы мамандық иелеріне деген құрметтің өлшемі уақыт өткен сайын артып келеді. Нақытысы білім саласына деген қолдау 16 тамызда Нұр-Сұлтан қаласында өткен «Білім және ғылым» тақырыбында өткен дәстүрлі тамыз кеңесінде еселене түсті. Онда Мемлекет басшысы Қасым-Жомарт Кемелұлы педагогтардың мәртебесіне қатысты заңның ұстаздардың мүддесіне жұмыс жасайтындығын айтқан еді. Енді міне аудандық тамыз кеңесінде де ерекше қолдауды сезініп жатырмыз.
    Иә, біздің жетістігіміз баланың жетістігі және жақсы білімі арқылы өлшенеді. Шәкірті шыңға шыққан ұстаздың балаша шаттануы алдымен біздің салада қалыптасқан тұжырым деп есептейміз. Сондықтан еселі еңбектің ауыр әрі күрделі жолында біз жүре беруге бармыз. Қаншама жылдық еңбектің өтеуі болса керек аталған аудандық тамыз кеңесінде аудан әкімінің қолынан ҚР Білім және ғылым министрлігінің Құрмет Грамотасын алдым. Бұл мен үшін үлкен құрмет. Осы салада жүрген өзге де әріптестеріме осындай үлкен жетістіктер тілеймін. Бастысы жас буын тәрбиелеу ісіндегі адалдығын армен қатар қоятын ұстаздар қауымына деген қоғамның құрметі ешқашан түгесілмесін. Біз сол жолда табанды еңбек ете бермекпіз.
Ғ.Сейітова,
аудандық білім бөлімінің бас маманы.
29 тамыз 2019 ж. 1 146 0