Толқын Арал аудандық қоғамдық-саяси газет
» » АУДАН АКТИВІНІҢ ОТЫРЫСЫНДА ПРЕЗИДЕНТ ЖОЛДАУЫНДАҒЫ НЕГІЗГІ МІНДЕТТЕР ТҮСІНДІРІЛДІ

АУДАН АКТИВІНІҢ ОТЫРЫСЫНДА ПРЕЗИДЕНТ ЖОЛДАУЫНДАҒЫ НЕГІЗГІ МІНДЕТТЕР ТҮСІНДІРІЛДІ

  Қазақстан Республикасының Президенті Қ.К.Тоқаевтың «Сындарлы қоғамдық диалог–Қазақстанның тұрақтылығы мен өркендеуінің негізі» атты Қазақстан халқына арнаған Жолдауының негізгі міндеттерін түсіндіруге арналған идеологиялық актив жиналысы өткізілді.   Идеологиялық актив отырысына Қызылорда облыстық ішкі саясат басқармасы Ономастика және көрнекі ақпарат бөлімінің басшысы Есімова Ләззат Жұмаханқызы, жергілікті атқарушы және құқық қорғау органдарының өкілдері, аудандық мәслихаттың хатшысы, «Нұр Отан» партиясының Арал аудандық филиалының төрағасының бірінші орынбасары, аудан ардагерлері, үкіметтік емес ұйымдар мен белсенді жастар, сондай-ақ, мектеп директорлары мен бұқаралық ақпарат құралдарының өкілдері қатысты.
   Алдымен жиынға төрағалық еткен аудан әкімінің міндетін атқарушы Рүстем Өтешов алдымыздағы мақсат-міндеттерді жүзеге асыруға ел болып атсалысу ортақ мүдде екендігін айтып, Президент Жолдауында айтылған негізгі басымдықтарға тоқталып өтті.
  Жолдауда кәсіпкерлікті қаржылай қолдау жұмыстары жалғасын тауып, қазақстандықтардың басым бөлігін табыспен қамтамасыз етілетіндігі басты назарға алынған. Осыған орай, жеке кәсіпкер, аудандық мәслихаттың депутаты Бисембаев Темір сөз алып, аталған мәселеге қатысты өз ойын ортаға салды.
  Жолдауда айтылған білім беру саласына қатысты айтылған жаңалықтар жөнінде аудандық білім бөлімі басшысының кеңесшісі, ардагер ұстаз Бөлекбаев Амангелді баяндамасында тоқталды.
  Сондай-ақ, медициналық қызмет сапасын жақсартуға бағытталған мәселелер жөнінде аудандық денсаулық сақтау саласы қызметкерлері кәсіподақ ұйымының төрағасы, аудандық мәслихат депутаты Асанбаев Арғынбай хабарлама жасады.
  Жиын барысында мәдениет саласының ардагері Төребеков Жақсыбай Мемлекет басшысының келесі жылдан бастап Үкіметке кітапхана, музей, театр қызметкерлерінің еңбекақысын көбейту туралы тапсырма беруі, мұндай деңгейдегі қолдау жұмыстары мәдениет саласының беделін арттыратын өз хабарламасында айтып өтті.
   Жиын соңында аудан әкімінің міндетін атқарушы Рүстем Өтешов Жолдаудан туындаған міндеттерді жүзеге асыруға байланысты тиісті сала басшыларына тапсырмалар жүктеді.
Арал ауданы әкімдігінің баспасөз қызметі.
07 қыркүйек 2019 ж. 253 0