Толқын Tolqyn.kz ақпараттық агенттігі
» » Жанболаттың анасы Жазираның қандай келін екендігі туралы шындықты айтты

Жанболаттың анасы Жазираның қандай келін екендігі туралы шындықты айтты

tolqyn.kz. Шоу бизнестегі отбасылық әдемі жұптардың бірі Жанболат пен Жазираның өнерін ерекше бағалайтындар көп. Олар  сұхбаттарында өздерінің осындай дәрежеге еңбектері арқылы жеткендігін жиі айтып отырады. Жамболат Аралдың баласы. Қарапайым отбасында өмірге келген. Оның анасы Қалампыр апа мен бауырлары қазіргі таңда Аралда тұрады. Біздің тілшіміз сексенің сеңігіріне шығып, балаларын қанаттандырған анамен сұхбаттасып қайтқан еді. Әңгіме барысында Жазира қандай келін болды? Сізді қатал ене дейді сол рас па?- деген сауалға:
Жазира 19 жасында біздің шаңыраққа келін болып түсті. Өзі де көпбалалы отбасында өмірге келген. Содан да болар, үйдің барлық тірлігін ұршықша үйіріп әкетті. Өзінің мінезі ақкөңіл, аңқылдақ, ашық жарқын. Қолымда екі жылдай тұрды да, Қазыбек туылған соң бірге Алматыға кетті. Қазір де үйге келсе мен әншімін, жұлдызбын деп отырмайды. Келін болып абысындармен бірге қазан-ошақтың жанынан шықпайды. Алматыға қыдырып барсам да, шай-тамағын әзірлеп, жағдайымды жасап жүреді. Кезінде қатал ене болсам болған да шығармын. Әрине жас келіннің білмейтін жері де көп болады. Сондайда айтамыз ғой «анауың дұрыс, мынауың бұрыс» деп сонымды қаталдық деп қабылдаған болар, – деп жауап берді Қалампыр апа. 
Сондай-ақ, Қалампыр апа Жазираның өзіне деген сыйластырғына дән риза екендігін жеткізді. Апамыздың айтуынша Жазира енесінің алдында орамалсыз жүрмейді екен. Және әлі күнге таңертең иіліп сәлем салатын көрінеді.Қалампыр апаның Жазирадан өзге 7 келіні бар. Келіндерінің бәрі де енесіне осындай құрмет көрсетеді. 
25 қыркүйек 2019 ж. 2 081 0