«ҚазТрансГаз Аймақ» АҚ Қызылорда өндірістік филиалының тұтынушылары назарына!

«Өлшем бірлігін қамтамасыз ету туралы» Қазақстан Республикасының 2000 жылғы 7 маусымдағы №53-II Заңына және Қазақстан Республикасы Энергетика министрінің 2014 жылғы 12 қарашадағы №117 бұйрығымен бекітілген тауарлық газды бөлшек саудада өткізудің үлгілік шартына сәйкес, «Тұрмыстық тұтынушы өзіне тиесілі газды есепке алу аспаптарының сақталуына, техникалық жай-күйіне және салыстырып тексерілуіне міндетті». Осыған байланысты 8-10 жылдан аса пайдаланған газ есептегіш құралдарыңызды мерзім аралық тексеруден өткізуіңіз қажет.

Газ есептегіш құралдарыңызды мерзім аралық тексеруден уақытылы өткізбеген жағдайда (шыққан жылы және келесі тексеру уақыты газ есептегіш құралының паспортында немесе шыққан жылы газ есептегіш құралының бетінде көрсетіледі – фотода көрсетілген) тұтынылған газ көлемі үшін есептеу құрылғының көрсеткіші бойынша емес, бекітілген тұтыну нормалары бойынша есептеме жүргізілетіндігін және тұтынылған газ көлемінің шығындары ұлғаятынын ескертеміз. Сол себептен тұтынушыларымыздан газ есептегіш құралдарын уақытылы тексеруден өткізуіңізді сұраймыз.

Сонымен қатар, газ есептегіш құралдарыңызды тексеруден өткізбей, жаңа газ есептегіш құралдарына ауыстыруыңызға құқылы екендігіңізді ескертеді.