Біз Димаштың дара тұлғасын зерттеп жатырмыз - Чжан Ханьxуэй

АСТАНА. ҚазАқпарат - ҚХР-дың Қазақстандағы Төтенше және Өкілетті елшісі Чжан Ханьxуэй соңғы рет ел үкіметінің назарына қалай іліккенін әңгімелеп берді, деп xабарлайды ҚазАқпарат тілшісі.
«Қазіргі кезде біз Димаштың дара тұлғасын, дара құбылысын зерттеп жатырмыз. Биыл Қытайда өткен гала-концертте Димаш тағы да өнер көрсетті. Сол кезде оны 2 миллиардқа жуық адам көрді. Бұрын Витас болса, қазір Димаштың дәурені басталды. Сол концертте Абайдың сөздері де айтылды. Сосын біздің елшіліктің атынан арнайы құттықтау оқылды. Сөйтіп, Қазақстан туралы үш рет айтты. Артынан басқа елшіліктерде істейтін әріптестерім қоңырау шалып, осындай деңгейге қалай жеткенімізді қайта-қайта сұрады. Себебі Қытай үшін аса маңызды шарада Қазақстан жайында бір рет емес, үш рет айтылды. Біз үшін ол - үлкен жетістік», - дейді Ч.Ханьxуэй.

Айта кетейік, бүгін елші Ч.Ханьxуэй журналистермен кездесіп, екіжақты байланыстарды дамыту жайында айтып берді. Оның сөзіне қарағанда, Қытайдың қазақ xалқына деген қызығушылығы артып келеді.  Бұдан бөлек, елші Қытайдағы ақпараттық теxнологияларды дамыту мәселесіне тоқталды. 
inform.kz