Толқын Арал аудандық қоғамдық-саяси газет
» » » 2019 жылға білім гранттары бөлінді

2019 жылға білім гранттары бөлінді

Қазақстанда Білім және ғылым министрлігі 2019 жылға гранттарды мамандықтар бойынша бөлді. Ең көп грант техникалық және педогогикалық ғылымдарға беріліп отыр
Білім және ғылыми министрлігі жоғары білімді мамандарды даярлауға мемлекеттік тапсырысты бекітті. Биылғы жылға бөлінген гранттардың жалпы саны – 50 985. Мемлекеттік тапсырыс төмендегі мамандықтар бойынша бөлінді: Педагогикалық ғылымдар— 8276; Өнер — 1615; Әлеуметтік ғылым (журналистика, ақпарат) – 960; Бизнес — 1223; Жаратылыстану ғылымдары — 4088; Ақпараттық-коммуникациялық технология — 5977; Техникалық ғылымдар — 15011; Ауылшаруашылық ғылымдары— 1600; Ветеринария — 835; Қызмет көрсету саласы — 2200; Даярлық (ҚР азаматы болып табылмайтын қазақ ұлтының өкілдеріне арналған бөлім) — 2450;  «Серпін» мемлекеттік бағдарламасы бойынша— 5109; Басқа — 1641. Министрліктің баспасөз қызметінің мәлімдеуінше, гранттар еліміздегі жоғары оқу орындарының арасында бөлініп қойған екен. Айта кетсек, 2018-2019 оқу жылына 53 594 грант бөлінген болатын. Медициналық мамандықтарға мемлекеттік тапсырысты Денсаулық сақтау министрлігі жариялайды. Болашақ дәрігерлерге арналған гранттардың саны кейінірек белгілі болмақ. 
17 шілде 2019 ж. 429 0