Марадонаның ай сайын қанша қаржы жұмсағаны анықталды
Аты аңызға айналған аргентиналық футболшы Диего Марадонаның ай сайын қанша ақша жұмсағаны белгілі болды, деп хабарлайды Prosports.kz. Marca хабарлағандай, әңгіме 100 мың еуродан асатын сома туралы. Ақпарат көзі бұл қаражат аяқдоп шеберінің жеке шығындарынан бөлек 50 отбасын асырауға кетіп отырғанын мәлімдейді. Марадона 25 қарашада 60 жасында созылмалы жүрек жеткіліксіздігінің өршуінен туындаған жедел өкпе ісінуінен қайтыс болды.
