Жапонияда бұрын-соңды болмаған қар жауды
Дүйсенбі кұні Жапонияның жағалаудағы аудандарында солтүстіктен батысқа қарай қалың қар жауған, деп хабарлайды ҚазАқпарат Kyodo агенттігіне сілтеме жасап.Көптеген автокөліктер кептелісте тұрып қалып, әуе және теміржол қозғалысы бұзылған. Жапонияның батысындағы бірнеше қалада қатты қысқы қысым салдарынан жауған қардың мөлшері рекордтық көрсеткішке жеткен.
Сига префектурасында Хиконэде қар 68 см қар түссе, Хёго префектурасында Асагода 24 сағат ішінде 71 см болған, деп хабарлады Жапония метеорологиялық агенттігі.
Агенттік қалың қардың, сондай-ақ жолдағы көктайғақ пен жоғары толқындардың сейсенбіге дейін жалғасуы мүмкін екенін ескертті, сонымен қатар кейбір жерлерде құбылмалы атмосфералық жағдайларға байланысты найзағай соғып, қатты жел соғатынын ескертті.
Басқа жерде ең терең қар Аомориде, солтүстік-шығыс Аомори префектурасында 190 сантиметр биіктікте тіркелді, сондай-ақ Киото, Нагоя және Хиросима қалаларына да қар түскен.
Қар салдарынан басқа да ірі көлік желілері жартылай жабылған. Солардың ішінде Нагоя мен Кобе метросы аудандарын байланыстыратын Мейшин автомагистралі бар.
Сондай-ақ, Жапония теңізі жағалауы мен Хоккайдо солтүстік аралына рейстер тоқтатылды. Теміржол компаниясы дүйсенбі күні 52 экспрес тің қозғалысына шектеу қойды.
