Жапонияның экс-премьері Синдзо Абэ қайтыс болды

Жергілікті БАҚ-тың хабарлауынша, Жапонияның бұрынғы Премьер-Министрі Синдзо Абэ қайтыс болды. Әлемдік саясаткер 67 жаста болған, деп хабарлайды Egemen.kz.

Еске сала кетсек, 2022 жылдың 8 шілдесінде жергілікті уақыт бойынша сағат 11:30-да Нара қаласында Синдзо Абэге қастандық жасалған болатын. Абэ көшеде халық алдында сөз сөйлеп тұрған кезінде белгісіз адам оған оқ жаудырған. Синдзо Абэ ауруханаға ес-түссіз күйде жеткізілді.