Еуропада газ бағасы шарықтады
Наурыз айынан бастап Еуропада алғаш рет газдың биржалық бағасы 1 мың текше метр үшін 3360 долларды құрады. Мұндай деректерді ICE биржасы келтірді, деп хабарлайды Egemen.kz.Әлемдегі негізгі сауда алаңдарының бірі - TTF индексі бойынша ең жақын фьючерстер сессияны 1 мың текше метр үшін 3290 доллардан сәл жоғары деңгейінде ашты. Осылайша, газдың құны бір күнде шамамен 2%-ға өсті.
Тарихи максимум 7 наурызда, сәуір фьючерстері 1 мың текше метр үшін 3898 доллар деңгейінде сатылған кезде тіркелді.
25 тамыз қарсаңында газдың бағасы 1 мың текше метр үшін 3312 долларға жетті. 22 тамызда газдың құны 3050 долларға жетіп, кейіннен 2900 доллардан төмендеді.
19 тамызда «Газпром» «Северный поток» газ құбыры бойынша жеткізу 31 тамыздан 2 қыркүйекке дейін жұмыста қалған жалғыз газ айдау агрегатын жөндеуге байланысты толығымен тоқтатылатынын ескерткен еді.
Компания жұмыстарды аяқтау және агрегаттың техникалық ақауларының болмауы фактісі бойынша газ тасымалдау тәулігіне 33 млн текше метр деңгейге дейін қалпына келтірілетінін нақтылады.
