Өзбекстанда суыққа байланысты оқушылардың қысқы демалысы ұзартылды
Өзбекстанда ауа райына байланысты Сұрхандария және Қашқадария облыстарының барлық білім беру ұйымдарында қысқы демалыс 18 қаңтарға дейін ұзартылды. Бұл туралы ҚазАқпарат ӨзА сілтеме жасап хабарлайды.Сонымен қатар Әндіжан, Хорезм, Наманган, Ташкент облысы, Қарақалпақстан Республикасы, Ферғана, Бұхара және Сырдария облыстарының білім беру ұйымдарында қысқы каникул 18 қаңтарға дейін ұзартылды.
Айта кетсек, Ташкентте соңғы 50 жылдағы ең суық температура тіркелді. Сонымен қатар елдегі суық ауа райына байланысты халықаралық бағыттар бойынша тұрақты автобус қатынасы уақытша тоқтатылды.
