Бортында 200-ге жуық адам болған ұшақтың есігі ашылып қалды
Оңтүстік Кореяда 213 метр биікте ұшып бара жатқан борттың есігі ашылып қалған, деп хабарлайды Egemen.kz.Оқиға ұшақ Тэгу қаласына қонайын деп жатқан кезде болған. Бұл туралы CNN хабарады. Бортта 194 адам болған.
Ұшақ есігі ашық күйінде қонды. Қазір полиция 30 жастағы ер адамды тергеп жатыр. Ол шығуға арналған есіктің тұтқасын тартып, ашып жіберген.
Ешкім зардап шекпеген, бірақ 9 адам ауруханаға жатқызылды. Шок салдарынан олардың тыныс алуы қиындаған.
