Швециядағы саябақта аттракцион құлап, бір адам мерт болды

Швецияда америкалық горка рельстен шығып кетіп, жерге құлады. Салдарынан бір адам қаза тауып, 9 адам жапа шекті, деп хабарлайды BAQ.KZ.

Reuters мәліметінше, оқыс оқиға Стокгольм саябақтарының бірінде болды.

Куәгерлердің айтуынша, аттракционның вагондары қозғала бастаған кезде вагондары рельстен шығып кетіп, салдарынан адамдар жерге құлады.

Саябақ иелері хабарлағандай, бір адам қайтыс болып, тағы тоғыз адам түрлі дене жарақатымен ауруханаға жеткізілген.

Олардың арасында балалар да бар көрінеді.

Апат болған жерге жедел жәрдем, өрт сөндіру көліктері және тікұшақ ұшып барды.

Құқық қорғау органдары аталған дерек бойынша қылмыстық іс қозғады.