Толқын Tolqyn.kz ақпараттық агенттігі
» » Әзербайжандағы президент сайлауы: дауыс беру басталды

Әзербайжандағы президент сайлауы: дауыс беру басталды

Орталық сайлау комиссиясының (ОСК) төрағасы Мазахир Панахов сайлау учаскелерін дауыс беру үшін ашық деп жариялады.

Ел президенттігіне үміткерлер арасында «Ени Әзербайжан» партиясынан Ильхам Әлиев, өзін-өзі ұсынған кандидаттар Захид Орудж және Фуад Әлиев, «Ұлттық майдан» партиясынан Рази Нуруллаев, «Ұлы жасампаздық» партиясынан Фазиль Мұстафа, «Ұлы Әзербайжан» партиясынан Эльшад Мұсаев, «Әзербайжан Біріккен Халықтық майданы» партиясынан Гудрат Хасангулиев бар.

ОСК хатшылығының Ақпарат орталығы дауыс беру барысы мен оның қорытындылары туралы алдын ала мәліметтерді сағат 10:00, 12:00, 15:00, 17:00 және 19:00-де ұсынады.

Сайлаушылар тізімінде 6 млн 478 мың 623 адам бар. Олар ел бойынша 6 537 сайлау учаскесінде дауыс береді. Әзербайжандағы сайлауды 190 халықаралық медиа құрылым өкілдері бақылайды.

Сайлау учаскелері кабиналармен, үгіт материалдарымен, сайлаушылардың тізімдері бар ақпарат тақталарымен, стационарлық және тасымалданатын жәшіктермен, тіркеу кітаптарымен, Сайлау кодексімен, сайлауға қатысты нұсқаулықтармен жабдықталған.

Жаңашылдық ретінде сайлау учаскелері қайта дауыс беруді болдырмау үшін сайлаушылардың саусақтарына түссіз сиямен таңбалау арқылы азаматтарды электронды сәйкестендіруді пайдаланады. Бұдан басқа, дауыс беру күніндегі процестерді жедел бақылау үшін сайлау учаскелерінде мыңға жуық веб-камера орнатылған, оларды ОСК сайтынан бақылауға болады.

Әзербайжанда бұған дейін президент сайлауы 2018 жылдың 11 сәуірінде өтті.

Ақпарат көзі: kaz.inform.kz
фото: ашық дереккөз 

07 ақпан 2024 ж. 418 0