Газадағы құрбандар саны 41,4 мыңнан асты

Палестинаның Газа секторындағы Денсаулық сақтау министрлігінің мәлімдемесіне сәйкес, Израильдің блокададағы Газа секторына 2023 жылдың 7 қазанынан бері жалғасып келе жатқан шабуылдары нәтижесінде қаза тапқан палестиналықтардың саны 41 455-ке жеткен. Бұл туралы Anadolu агенттігі хабарлады.

Соңғы 24 сағаттың ішінде Израиль армиясы Газаның әртүрлі бөліктерінде үш рет жаппай «қырғын» жасаған, эксклавтың 24 тұрғыны қаза тапқан. Сонымен қатар, тағы 60 адам зардап шекті, делінген хабарламада.

Қақтығыс кезінде жарақаттанғандардың жалпы саны 95 878-ге жетті.

Қаза тапқандардың мәйіттері әлі де қираған ғимараттардың қирандылары мен жол жиектерінде жатыр. Жедел жәрдем бригадалары мен азаматтық қорғаныс қызметкерлері Израиль күштерінің кедергілерінен оларға жете алмай отыр, деп қосты Газа секторындағы Денсаулық сақтау министрлігі.

Ақпарат көзі: kaz.inform.kz
Сурет: ашық дереккөзден