Колумбияда ұшақ апатынан 10 адам қаза тапты
Колумбияның солтүстік-батысында жеңіл ұшақ апатқа ұшырап, кем дегенде 10 адам қаза тапты. Бұл туралы жұма күні Антmокия департаменті тәуекелдерді басқару бюросының директоры Карлос Риос Пуэрта мәлімдеді, деп хабарлайды Kazinform Синьхуа ақпарат агенттігіне сілтеме жасап. Сәрсенбі күні жоғалып кеткен Pacifica Travel компаниясының ұшағы Колумбияның солтүстік-батысындағы Антьокия департаментінің ауылдық жерінде апатқа ұшырады. Оның бортында экипаждың екі мүшесі мен сегіз жолаушы болған.
- Өкінішке орай, тірі қалғандар жоқ. Оқиға орнында 37 қызметкер жұмыс істеп жатыр және біз адамдардың денелерін алып шығу және сот полициясымен үлестіруді қамтитын екінші кезеңді жеделдетіп жатырмыз, - деді К.Риос Пуэрта.
Оның айтуынша, құлаған ұшақтан адам денелерін алып шығу процесі ауа райының қолайсыздығына байланысты тікұшақтарды пайдалану мүмкін болмауы қиындатып отыр.
- Біз бұл процесті барынша жылдам және тиімді ету үшін жұмыс істеп жатырмыз, - деп қосты шенеунік.
Колумбияның Көлік министрлігі мен Азаматтық авиация басқармасы қаза тапқандардың отбасыларына көңіл айтты. Апаттың себептерін анықтау жұмыстары басталды.
