"Стратус": Ресейде вирустың жаңа түрі тарап жатыр
Дәрігерлердің айтуынша, аталған штамм – өте жұқпалы.Ал Қазақстанның Денсаулық сақтау министрлігі халыққа алаңдауға негіз жоқ екенін мәлімдеді. Елдегі эпидемиологиялық ахуал тұрақты деп бағалануда. Эпидмаусым басталғалы бері ЖРВИ мен тұмауға шалдығу көрсеткіші 13%-ға төмендеген. Жыл басынан бері COVID-19 инфекциясының алты жағдайы ғана тіркелген, алайда олардың арасында «Стратус» штамы басым болып отыр.
Таралып жатқан XFG желісі бұрын таралған Омикронның басқа ұрпақтарымен салыстырғанда халық денсаулығына қосымша қауіп төндірмейді. Негізгі белгілері: жөтел, тамақтың ауыруы, дауыс қарлығуы, қырылдау, мұрыннан су ағу, бас ауруы, жалпы әлсіздік, бұлшықет ауыруы. Ең тән белгі – дауыстың қарлығуы. Жалпы алғанда, Омикронның XFG қосалқы түрі өте жұқпалы болғанымен, ауыр асқынуларға сирек әкеледі, - деді Денсаулық сақтау министрлігі Санитариялық-эпидемиологиялық бақылау комитеті басқармасының басшысы Айгүл Катренова.
Сарапшылардың айтуынша, аурудың клиникалық көрінісі кәдімгі ЖРВИ-ге ұқсайды: жөтел, тамақ ауыруы, мұрыннан су ағу және жалпы әлсіздік байқалады.
Бұл штаммның ерекшелігі – өте жоғары жұқпалылығы және бұрын қалыптасқан иммунитетті айналып өту қабілеті.
Фото: Нұрболат Нұржаубай
