Жапония әлемдегі ең жылдам пойызды сынақтан өткізді
«Жапония сағатына 400 километр жылдамдықпен жүре алатын жоғары жылдамдықты жолаушылар пойызын сынақтан өткізуді бастады. Сынақтан кейін жолаушылар тасымалының революциялық түрі тағы да жетілдірілетін болады», деп жазады агенттік.ALFA-X пойызы үш жылдан кейін қолданыла бастамақ.
Пойыз Сендай мен Аомори қалаларының арасында сынақтан өткізіледі. Бұл аралық 280 километрді қамтиды. Ол аптасына екі рет, түнгі мезгілде жүргізілмек. Айта кетерлігі, жоғары жылдамдықты пойыздарды Жапония 2020 жылы Токиода өтетін Олимпиада ойындары қарсаңында енгізуді көздеп отыр.
«Сынақ уақытында пойыздар қандай жылдамдықта болатынына қарамастан, Жапония теміржол жүйесі әлем бойынша рекордты көрсеткішке ие болып қала береді», деп жазады басылым.
