Қылмыстық теріс қылық туралы іс медиативтік келісіммен тоқтатылды

Арал аудандық сотында ҚР ҚК-нің 187-бабының 1-бөлігімен айыпталған К-ның қылмыстық теріс қылық туралы ісі қаралып,  тараптардың медиация тәртібімен татуласуларына байланысты тоқтатылды.Сотпен анықталғандай, сотталушы К. жәбірленуші Т-ның алюмин бөшкесін  жасырын жымқырып, оған 2000 теңге материалдық шығын келтірген.
Алайда, істі қарау барысында сотталушы мен жәбірленуші татуласып, келтірілген залал өтелгенін, наразылықтары жоқ екені және сол жөнінде тараптардың кәсіпқой медиатор арқылы бітімгершілік келісімге келгендері жөнінде келісімді ұсынған.
Осының негізінде, сотталушы К. Қылмыстық кодексінің 68-бабының 1-бөлігінің талабына сай, қылмыстық жауаптылықтан босатылып, іс өндірістен тоқтатылған.
Арал аудандық сотының баспасөз қызметі