"ҚАРУ" ЖЕДЕЛ-ПРОФИЛАКТИКАЛЫҚ ІС-ШАРАСЫ ӨТУДЕ

Қызылорда облысының Полиция департаментінің нұсқауына сәйкес, аудан көлемінде атыс қаруымен, оның ішінде тіркелмеген атыс қаруымен жасалатын қылмыстардың алдын алу мақсатында, заңсыз айналымдағы қаруларды анықтап, тәркілеу бағытында 2020 жылдың мамыр айының 27-31 күндері аралығында " Қару" жедел-профилактикалық іс-шарасы өткізілуде.

Аталған алдын алу іс-шарасының 2 күнінде тәртіп сақшыларымен 2-дана ІІО-да тіркеуде жоқ аңшы қаруы алынып, ҚР ӘҚБтК-нің 482-бап "Заңсыз қару сақтау, тасымалдау" бойынша құқық бұзушылық анықталып, хаттама толтырылды.
Тәркіленген, заңсыз қару азаматтық және қызметтік қару айналымын бақылау тобы және ЖПҚб-нің учаскелік полиция инспекторларымен алынды.
Атап өтер жайт, аталмыш іс-шараның негізгі мақсаты - аудан көлемінде заңсыз сақтаудағы қаруды және оқ-дәрілерді тәркілеу және олардың сатып алу көздерін, оны заңсыз жеткізу арналарын анықтау. Сонымен қатар, заңсыз қаруды сақтау, алып жүрумен айналысатын тұлғалар мен ұйымдасқан қылмыстық топтарды анықтау, отты атыс қаруымен жасалатын қылмыстардың алдын- алу, ескерту және оларды ашу жедел жағдайды тұрақтандыру болып табылады.