«Мал ұрысы» жедел-профилактикалық іс-шарасы өтуде

Қазақстан Республикасы ІІМ-нің «Ұрлықтарға қарсы іс-қимыл жөніндегі 2019-2020 жылдарға арналған бағдарламаны» іске асыру бағытындағы ұйымдастырушылық іс-шаралар жоспары бекітілген. Мал ұрлығын ескерту және ашу, жедел жағдайды тұрақтандыру және аудан көлемінде қалыптасқан криминогендік жағдайды ескере отырып, жауапты аумақтық қызметтерімен бірлесіп, мал ұрлығының алдын алу, жолын кесу және ашу мақсатында Арал ауданы көлемінде ағымдағы жылдың шілде айының 30-ы мен тамыз айының 5-і аралығында мал ұрлығын жасауға қатысы бар адамдарды анықтауға, оларды ұстауға және қылмыстық жауапкершілікке тартуға бағытталған «Мал ұрысы» жедел-профилактикалық іс-шарасы өткізілуде.

Аумақтық ауыл шаруашылығы басқармаларының мамандарын (ветеринариялық бақылау инспекторлары мен ветеринариялық дәрігерлер) тарта отырып, тасымалданатын мал құжаттарының заңдылығына және де олардың ұрлық деректеріне қатысының бар-жоқтығына және ет өнімдерін тасымалдайтын автокөліктерге ет өнімдерінің тиісті құжаттарының болуына тексеру жұмыстары жүргізілуде.
Сонымен қатар, іс-шара барысында аудан көлемінде ет өнімдерін сататын сауда орындарында, базарларда, сауда орталықтарында рейдтік іс-шаралар жүргізіліп, заңсыз мал тасымалдаушы тұлғалар анықталған жағдайда оларды ҚР ӘҚБтК-нің 406-бабы бойынша әкімшілік жауапкершілікке тарту жұмыстары жүргізіліп отыр.
Іс-шараның 4 күнінде өткен жылда орын алған мал ұрлығы қылмысының 1 дерегі ашылып, малдары иелеріне қайтарылған.
Арал ауданының полиция бөлімі.