Толқын Tolqyn.kz ақпараттық агенттігі
» » Қызылорда облысындағы мектептер қашықтан білім беруге дайын ба?

Қызылорда облысындағы мектептер қашықтан білім беруге дайын ба?

Kyzylorda-news.kz. Биылғы жаңа оқу жылының ерекшелігі 1 қыркүйектен бастап қала мектептері жан басына шаққандағы қаржыландыруға көшіріледі. Яғни, Арал ауданынан – 9 мектеп, Қазалы ауданынан – 3 мектеп, Байқоңыр қаласынан – 5 мектеп, Қызылорда қаласынан – 41 мектеп, барлығы 58 мектепті аталған механизмге енгізу үшін барлық жоспарлы дайындық жұмыстары аяқталды.
Бұл туралы Өңірлік коммуникациялар қызметінің ақпараттық алаңында облыстық білім басқармасының басшысы Ақзира Қасымова мәлімдеді
«Облыстағы 222 мектептегі 116 888 оқушы қашықтан оқытылады. Қашықтан оқыту BilimLand, Дарын-онлайн интернет платформалары арқылы жүргізіледі. 1-4 сыныптағы 41 547 оқушы 3141 топта дәстүрлі оқиды. Шалғай орналасқан елді-мекендегі 71 мектептен 10712 оқушы дәстүрлі оқытылады. 25 елді мекендегі 2187 оқушы дәстүрлі түрде оқиды. 2020-2021 оқу жылында облыстағы 30 колледжде қашықтан оқыту жүйесінде білім беру жүзеге асырылатын болады ,-деді Ақзира Бақтыбайқызы

Сонымен қатар, қала, аудан әкімдіктері дәстүрлі түрде өткізілетін «Мектепке жол» акциясы басталды. Биылғы жылғы акцияның мақсаты – әлжуаз отбасынан шыққан балаларды электронды құрылғылармен және интернетпен қамтамасыз ету.
19 тамыз 2020 ж. 781 0