Көше сәні – жол, сен де жанашыр бол

Бүгінгі айтпағымды аралдықтар үшін ақжолтай жаңалық десем қателеспеймін. Себебі бұл тақырып қала тұрғындарының көптен бергі көтеріп келе жатқан мәселесі болатын. Жаңа ауыл аталатын №4 мөлтек аудан тұрғындарының басты сауалына айналған жолдың жағдайы ра- сында сын көтермейтін. Әсіресе көктем, қыс ай- ларында жауын-шашын жауған кездері осы аумақтың тұрғындары тізеден балшық кешіп, көшенің басына дейін жаяу жүріп баруға мәжбүр болды. Себебі жиналған шалшық су мен иленген балшықтан көлік те келе алмайтын. Міне, бүгінде бұл қиындықтан шығар күн де алыс емес. Жаңа ауылдықтардың қуанышына орай тас жол төселіп, жұрт игілігін көре бастады. Көше тұрғындары- ның қуанышында шек жоқ. Сүйіншілеп жатқандар да жетерлік.

Осы орайда бір айта кетерлігі, аудан әкімі Мұхтар Оразбаевтың игі іске ұйытқы болған іскерлік еңбегі деп айтар едім. Осы уақытқа дейін лай кешкен көше тұрғындарының өтінішін арқалап, қаншама басшының кезінде де табалдырық тоздырдым. Десе де халықтың жағдайымен жақын таныс ауданның перзенті Мұхтар баламыз басшылыққа келгеннен кейін ғана көш қозғалғандай болды. Жұрттың сөзін облыс, республи- ка көлемінде жиі айтып жүрді. Нәтижесінде жолдың жемісін көріп отырмыз. «Бітер істің басына, жақсы ке- лер қасына» деген осы болар.

Сонымен қатар Абай даңғылы бойындағы жүйелі жұмысты айта кетпесек болмас. Қалаға кіреберістегі көшенің көркі ажарланғалы тұр. Абаттандыру жұмыстары мен жол жиегіне орнатылған лед экрандар бұл ойымызға дәлел болады. Рас, халық арасында бұл бастаманы құптаушылар қатары көп.

Жақсыбай ЖҰҚАБАЕВ,

Т.Тоқтаров және М.Өтемісұлы көшелері комитетінің төрағасы