Қылмыстық іс медиациямен аяқталды

Арал аудандық сотында Қазақстан Республикасының ҚК-нің 188-бабының 1-бөлігімен айыпталған Ж-ның қылмыстық ісі медиация тәртібімен тоқтатылды.Іс құжаттарына сәйкес, сотталушы Ж. азаматша Т-ның «Xalyk bank» банкомат кәртішкесін жасырын ұрлап алып, оның есеп-шотына түсіп тұрған ақшасын жымқырып, жәбірленушіге материалдық залал келтірген.Сотталушының кінәсі, өзінің әрекетін мойындаған жауабымен, сондай-ақ сотта зерттелген іс құжаттарымен толық дәлелденген.
Алайда, сотқа кәсіпқой медиатор Б.Бердалиевпен куәландырылған медиативтік келісім ұсынылған. Медиативтік келісімге сәйкес, жәбірленуші мен сотталушы татуласқан, келген зиян қалпына келтірілген, жәбірленуші сотталушыға ешқандай талап қоймайды.
Осының негізінде, сотталушы Ж. қылмыстық кодексінің 68-бабының 1-бөлігінің талабына сай, қылмыстық жауаптылықтан босатылып, ісі өндірістен тоқтатылды.
Арал аудандық сотының
баспасөз қызметі.