Тараптар дауды татуласу келісімімен аяқтады

Арал аудандық сотында талап қоюшы “Азаматтарға арналған үкімет» Мемлекеттік Корпорациясы» коммерциялық емес АҚ-ның жауапкер Ә-дан 135 778 теңге артық төленген қаражатты өндіру туралы азаматтық ісі қаралды.Істі сот талқылауына дайындау барысында, сотпен тараптарға дауды татуластыру рәсімдері арқылы шешу құқықтары және олардың құқықтық салдары түсіндірілген.Қазақстан Республикасының Азаматтық процестік заңнамасында даулар мен жанжалдарды альтернативті түрде шешу тәсілдері қарастырылған, солардың бірі татуласу келісімі болып табылады.
Сот отырысында тараптар татуластыру рәсімдерінің осы тәсілін таңдап, сотқа өзара жасасқан татуласу келісімін бекіту үшін ұсынып, іс жүргізуді тоқтатуды сұраған.
Сот ұйғарымымен татуласу келісімі бекітіліп, іс жүргізу өндірістен тоқтатылды.
Арал аудандық сотының
баспасөз қызметі