Толқын Tolqyn.kz ақпараттық агенттігі
» » Қызылордада заңсыз аңшылықпен айналасқан 3 азамат ұсталды

Қызылордада заңсыз аңшылықпен айналасқан 3 азамат ұсталды

1 қарашада Арал ауданы полиция бөлімінің қызметкерлерімен жүргізілген рейд барысында кіші Арал теңізінің аймағында «Нива» автокөлігін тоқтатып, тексеру барысында 56 келіге жуық сазан балығы, 37 құс (33 қасқалдақ, қаз, үйрек), 3 аңшы мылтығы және 140 – дана оқ алынды.
«Оқиға орнында 3 күдікті азамат ұсталды. Үшеуі де еш жерде жұмыс істемейтін, Арал ауданының тұрғындары. Тексеру барысында 1 аңшы мылтығы ішкі істер органдарында тіркелмегені анықталды. Сараптамалар тағайындалды»,- делінген полиция департаментінің хабарламасында.
Аталған дерек бойынша Қазақстан Республикасы Қылмыстық Кодексінің 337-бабының 1-бөлігімен (Заңсыз аңшылық) тергеп-тексеру амалдары жүргізілуде.
kyzylorda-news.kz
02 қараша 2020 ж. 396 0