АУДАН ЕРІКТІЛЕРІ ТАРИХИ ОРЫНДАРҒА ЭКСКУРСИЯ ЖАСАДЫ

  tolqyn.kz Мемлекет басшысы 2020 жылды еріктілер жылы деп жариялап, оның негізгі 7 басым бағытын атаған болатын. Жақында аудан еріктілері "ASYL MURA" жобасы аясында Қамыстыбас ауылдық округіндегі "Ишан ата" мешіті және Ақирек ауылдық округіндегі Арыстан баб зиратына экскурсия жасап, киелі жерлердің тарихымен танысты.

   Бұл жобаның негізгі мақсаты: өңіріміздегі тарихи орындарды зерттеу, өскелең ұрпақты олардың тарихымен таныстыру болатын. Экскурсияға ерікті 20 жас қатысып, киелі тарихи орындар туралы мағлұматтар алды. Ауданымыздағы осындай тарихи орындармен танысуға тек ерікті жастарды ғана емес, өзге де жастардың қызығушылығы болған жағдайда тарихи орындарға барып, экскурсия жасауға ұсыныс білдіреміз.