Құлаққап киген оқушыны пойыз басып кетті
Белоруссиядағы Добрушский ауданында құлаққап киген оқушыны пойыз басып кетті, деп хабарлайды БЕЛТА.
Гомель облыстық атқару комитеті ІІБ ресми өкілі Виталий Пристромовтың айтуынша, келеңсіз жағдай 25 сәуірде 8.00-де Носовичи станциясынан небәрі 30 метр қашықтықта болған. «Теміржолды кесіп өтіп бара жатқан кәмелеттік жасқа толмаған 2002 жылы туған баланы жүк пойызы қағып кетті. Ауыр жарақаттанған бала жансақтау бөлімінде жатыр. Жасөспірім - Добрушский ауданының тұрғыны»,-деді Виталий Пристромов. inform.kz
