Ғалым коронавирус инфекциясын неге барлық адам жұқтырмайтынын түсіндірді
Коронавирустан қорғануға тек антиденелер ғана көмектеспейді, деп хабарлайды Sputnik Қазақстан.Ғалымның айтуынша, кейбір адамдар коронавируспен ауырғандармен жақын қарым-қатынаста болса да, инфекция жұқтырмайды.
«Осындай жағдайлар болды. Олардың ағзасы бұл коронавирусты қабылдамайды», – деді Иванов.
Пастер атындағы эпидемиология және микробиология институтының ғалымдары осындай қорытындыға келген.
«Ғалымдар «қызыл аймақта» бірнеше ай бойы жұмыс істеп жүрген кейбір дәрігерлердің вирус жұқтырмайтынын байқаған», – дейді маман.
Коронавирус пандемиясы бүкіл әлемді қыспағына алды. 60 миллионнан астам адам вирус жұқтырса, оның 1,4 миллионнан астамы қайтыс болды. Коронавируспен ауырғандар саны бойынша АҚШ, Үндістан және Бразилия көш бастап тұр.
Қазақстанда соңғы мәліметтер бойынша коронавирус жұқтырғандар саны 130 865 адамға жетті. Коронавирустық пневмониямен ауырғандар саны – 42 104. Қайтыс болғандар – 2 470.
kyzylorda-news.kz
