Арал балығымен мақтанады

Аудандық мәслихат депутаттығына үміткерлер – аудандық сайлауалды штабының төрағасы Талғат Қанатов, аудандық мәслихат хатшысы Дәуренбек Мадинов, аудан бойынша «Мүмкіндігі шектеулі мүгедектерді қорғау және қолдау» қоғамдық бірлестігінің президенті Индира Жұмашева ауданымыздағы "Сервистік дайындау орталығы "Қарашалаң" балық зауытының қызметкерлерімен кездесу өткізді.

Елбасының бастамасымен жүзеге асқан, «Ғасыр жобасы» атанған Арал теңізінің солтүстік бөлігін сақтау жобасы аясында атқарылған ауқымды шаралар нәтижесінде Арал өңірінің ата кәсібі – балық шаруашылығы саласы жаңа деңгейге көтеріліп, қарқынды дамуда. Партияның сайлауалды бағдарламасында ата кәсібін одан әрі дамыту мақсатында 2021 жылы балық өнімдерін тереңнен өңдеу зауыттарының (1-ші зауыттың қуаттылығы – 665 мың тонна, 2-ші зауыттың қуаттылығы – 4 мың тонна) құрылысын салу, қоғамдық тамақтану (50 адамға дейін) орнын салуға жобаларын жүзеге асырып, аудан орталығында 2 әлеуметтік дүкен ашылмақ. 2025 жылға қарай 4 компоненттен тұратын балық өсіру және өңдеу кешені жобасын жүзеге асыруға ықпал етеді, – деді Т.Қанатов.

Үміткерлер партияның сайлауалды бағдарламасымен таныстыра келе, зауыт жұмысшыларының сауалдарына жауап беріп, сайлауға қатысуға шақырды.