Толқын Tolqyn.kz ақпараттық агенттігі
» » «Қазгидромет» 4 өңірде ескерту жариялады

«Қазгидромет» 4 өңірде ескерту жариялады

«Қазгидромет» РМК ауа райының қолайсыздығына байланысты 5 маусым күні Қазақстанның бірқатар өңірінде ескерту жариялады, деп хабарлайды ҚазАқпарат. Атап айтқанда, 5 маусым күні күндіз (сағ 08.00-ден 20.00-ге дейін) Батыс Қазақстан облысында оңтүстік-батыстан соғатын желдің жылдамдығы 15-20 м/с-ке күшейеді деп күтілуде. 
Орал қаласында күндіз (сағ 08.00-ден 20.00-ге дейін) батыстан, оңтүстік -батыстан соғатын желдің екпіні 18 м/с дейін артады.   
Солтүстік Қазақстан облысы бойынша оңтүстік-батыстан соғатын желдің күші 15-20 м/с, екпіні 23-28 м/с артатыны күтіледі. Кей жерлерде найзағай ойнап, дауыл тұрады, бұршақ жаууы мүмкін. Түнде және таңертең кей жерлерде тұман болжанады.
Петропавл қаласында оңтүстік-батыстан соғатын желдің күші 15-20 м/с, екпіні 23-28 м/с күшеюі ықтимал. Найзағай, дауыл, бұршақ күтіледі.
Сондай-ақ Ақмола облысының кей жерлерінде оңтүстік-батыстан соққан желдің жылдамдығы секундына 15-20 метрге дейін жетеді. Түнде кей жерлерде найзағай жарқылдайды.
Ал Қостанай облысының кей жерлерінде оңтүстік-батыстан соққан желдің жылдамдығы 18 м/с-қа артуы ықтимал.
inform.kz
04 маусым 2018 ж. 1 225 0