Жемқорлықпен күрес толастамайды
Сыбайлас жемқорлық бүгінгі қоғамның басты дертіне айналды. Бұл дерттің жаппай жайылмауы үшін жастардың сыбайлас жемқорлыққа қарсы санасын қалыптастырудан бастауымыз керек. Жас буынға жемқорлықтың теріс салдары туралы ақпаратты дұрыс жеткізу – олардың сыбайлас жемқорлыққа қарсы мәдениетінің қалыптасуына, өз құқықтары мен міндеттерін терең ұғынуына және орындауына көмектесудің алғышартынан басталады. Ол үшін, ең алдымен, сыбайлас жемқорлыққа қарсы сана қажет. Сыбайлас жемқорлыққа қарсы сана қалыптасқан жағдайда адам адамгершілікке жат қылықтардан бойын аулақ ұстай бастайды және заңға қайшы келетін әрекеттерді жасауға жол бер¬мейді.Жалпы, біздің елімізде тәуелсіздіктің алғашқы күндерінен бастап әлемдік стандарттарға сәйкес келетін сыбайлас жемқорлыққа қарсы іс-қимылдар жүзеге асырылып келеді. Сыбайлас жемқорлықтың көріністерін жою мақсатында заңнамалық актілер қабылданды. Рұқсаттар мен мемлекеттік қызметтердің алынуын жеңілдету үшін электронды үкімет пен электронды сандық қолтаңба, «бір терезе» қағидаты енгізілді. Қазіргі таңда аудан көлемінде де сыбайлас жемқорлықтың алдын алу, жолын кесу мақсатында түрлі шаралар ұйымдастырылып келеді. Өз кезегінде біздің қызметкерлер жоғарыда аталған жемқорлықтың салдарымен түгелдей таныс. Ұдайы түсіндіру жұмыстары жүргізіліп отырады.
Осылайша, сыбайлас жемқорлықпен бірігіп күресер болсақ, біздің мемлекетімізде қауіпті кеселді түп-тамырымен жоюға мүмкіндігіміз бар.
А.ӘБИЕВА,
аудандық білім бөлімінің сектор меңгерушісі
